Msc. Valbona Xhaferaj, punonjëse pranë Degës Territoriale të Shërbimit të Provës Durrës, mori pjesë në Konferencën e 9-të Shkencore Ndërkombëtare të organizuar nga Universiteti “Aleksandër Moisiu”, me punimin shkencor me temë: “Drejtësia restauruese dhe ndërmjetësimi si ura mes shtetit dhe shoqërisë në procesin e integrimit europian”.
Punimi trajtoi rolin e drejtësisë restauruese dhe ndërmjetësimit në forcimin e shtetit të së drejtës, rehabilitimin dhe riintegrimin social, në përputhje me standardet europiane dhe misionin institucional të Shërbimit të Provës.
Drejtoria e Përgjithshme e Shërbimit të Provës i uron suksese të mëtejshme Msc. Valbona Xhaferaj dhe mbështet vazhdimisht kualifikimin profesional dhe angazhimin akademik të punonjësve të saj, si një vlerë e shtuar që i shërben përmirësimit të punës së përditshme institucionale dhe forcimit të standardeve profesionale.