Fjala e Drejtorit të Përgjithshëm

Si Drejtoreshë e Përgjithshme e Shërbimit të Provës, theksoj se institucioni ynë mbetet i angazhuar fuqimisht në forcimin e rolit të tij në sistemin e drejtësisë, përmes zbatimit efektiv të masave dhe dënimeve alternative, si dhe mbështetjes së procesit të riintegrimit social të personave në konflikt me ligjin.

Unë vlerësoj se bashkëpunimi ndërinstitucional është një element kyç për rritjen e cilësisë së shërbimeve dhe garantimin e një qasjeje më efektive, profesionale dhe humane ndaj drejtësisë. Në këtë kuadër, Shërbimi i Provës do të vijojë të forcojë koordinimin me institucionet partnere, me qëllim rritjen e ndikimit pozitiv në komunitet dhe përmirësimin e mëtejshëm të praktikave të punës.

Gjithashtu, mbetem e përkushtuar ndaj zhvillimit të aktiviteteve informuese dhe ndërgjegjësuese, të cilat synojnë afrimin e qytetarëve me institucionet e drejtësisë dhe forcimin e besimit publik. Synimi ynë është konsolidimi i mëtejshëm i Shërbimit të Provës si një hallkë thelbësore e drejtësisë moderne dhe restauruese.