Shërbimi i Provës Krujë takim me Zyrën Vendore të Punësimit Krujë
Dega Territoriale e Shërbimit të Provës Krujë, përfaqësuar nga Drejtuesja e DTSHP Krujë znj. Arlinda Shino, sot në datë 16.09.2022, ka zhvilluar një takim me Punonjëset e Zyrës Vendore të Punësimit Krujë, (në mungesë të Përgjegjëses së ZVP-së Krujë Znj. Ermira Llubani), me specialisten me punëdhënësit znj. Fjordalisa Sula dhe me specialisten me punëkërkuesit znj. Xhesika Selimi.
Në këtë takim u diskutua mbi bashkëpunimin midis dy institucioneve për mbështetjen dhe përfitimin e të personave të dënuar me dënimet alternative që janë në mbikqyrje nga DTSHP Krujë, për mundësitë e punësimit që ofrohen por edhe për programet e aftësimit profesional që Zyra e Vendore e Punësimit Krujë ofron së bashku me subjektet private të punëdhënësve që operojnë në Qytetin e Krujës, por me rëndësi të veçantë u diskutua mbi të miturit në konflikt me ligjin, dhe mundësitë që atyre i ofrohen për tu riintegruar sa më shpejt në shoqëri.
